Beasaingo institutua 1968an hasi zen bere zerbitzua eskaintzen Goierri bailarari. Garai hartan, Oinarrizko eta Goi Mailako batxilergoa eskaintzen ziren eta geroxeago, hauekin batera, Unibertsitatera Bideratzeko Ikasturtea (UBI-COU). Lehen urte haietan, irakasle aldaketa handiak ematen ziren institutuetan eta gehienak kanpokoak izan ohi ziren, hauetako asko nafarrak.

1983-84 ikasturtean D ereduaren ezarpena egin zen.

1993-94 ikasturtetik aurrera, LOGSE legearekin batera, aldakuntza nabarmenak ezagutuko ditu institutuak. Hauen artean, aipagarrienak ondokoak dira:

• Bigarren Hezkuntza osoa birrantolatu zen, bi etapa sortuz: DBH eta Batxilergoak.
• DBH eskaintzeko LOINAZPE BHI sortu zen.
• Hasiera batean, LOGSEk ematen zituen batxilergo aukeretatik, ezarpen aurreratua 95-96 ikasturtean egingo da bi eskainiko institutuak:
  • Zientzien batxilergoa
  • Giza eta Gizarte Zientzien batxilergoa
• 1996-97 ikasturtean Batxilergo Teknologikoa ezarriko da.
• 2001-02 ikasturtean Batxilergo Artistikoa, modu honetara batxilergo guztien eskaintza eginaz.

1997-98 Txindoki institutuak eta Alkartasuna lizeoak bat egingo dute TXINDOKI-ALKARTASUNA BHI sortuz, bailaran batxilergo eskaintza zabala eman asmoz.

Urte honetan bertan, Goi Mailako Lanbide Heziketaren eskaintza ematen hasten da:

· 1997-98, Ingurumen Kimika

· 1999-00, Informatika Sistemen Administrazioa

2002ko urtarrilean ISO 14001 ziurtagiria, ingurumen kudeaketa sistemarena, AENOReko emana, lortzen du institutuak.

2003-04 ikasturtean, ekainean, SGC sistema (irakaskuntza-ikaskuntza sisteman kalitatea ziurtatzen duena) ezartzen da eta 2004ko ekainean sistema honen ziurtagiria lortzen da.

Era berean, 2003-04 ikasturtean Batxilergo eleanitzaren proiektua jartzen da indarrean; une honetatik aurrera, hainbat ikasgai ingelesez ikas daitezke institutuan.

2006-07 ikasturtean Zereginen Ikaskuntzarako Gela jartzen da abian.

2006ko abenduan AENORek EMAS erreglamenduak arautzen duen Ingurumen Deklarazioa balioeztatzen du.